Roma sam
Radijo Burgenland: 27.4.2015 (on demand)

Ando 1. 10. 1941 o Himmler i deportcija le 5.000 Romen­dar & Sinti­jen­dar andar i Austri­ja an­do gheto Litzmannstadt (Łódź) ker­tscha. O ge­majn­tscha loj na pe­kamle bu­ter ar te del taj tschak odo­len pal liker­de, save lenge nuci­nipe anahi. Butvar o Bur­gen­land-Roma resle sina. Masch­kar o 4to taj 8to novem­beri sako di jek sras­tuni 1.000 opferen­ca lad­lahi. Korko­re an­dar Lacken­bach 2.000 led­schim ule (buteder: Łódź).

„Porajmos“ o akaripe le Romendar taj Sintijendar le mur­da­ri­peske duach o naci­jo­nal­socija­listscha hi. Eseri bur­gen­lan­di­tike Roma tradim taj mur­darde ule. Tschak va­lami 10 procenti le burgen­lan­di­tike Romen­dar o naci­jen­gero bibstalo rajipe prik dschivde, odola save prik dschiv­de taj kher ale butvar sorale trau­ma­ti­si­rim sina. Jek khe­ta­ni­pes­kero upre butscha­linipe le kojen­dar, so terd­schiv­de, na ulo kerdo, o opfer­tscha dur ando pobis­te­ripe atschi­ne taj meg dugi cajt palo­da ojs opfertscha la dujta klas­tar tel dikle le ule. But dschene le avre gene­ra­ci­jen­dar tschak tschu­le pedar o koji, so len­gere daja taj dada taj lengere babi taj papi ter­dschiv­de, schunde. Saj koji le phu­ka­jipe vaj le na phu­ka­ripe hi, palal phutschlo ulo. Bute­der peda schunen tumen andi sen­dung „Roma sam“ upro Radijo Burgenland.

(volksgruppen.orf.at)

Tweet