Ando 30. juni i internacijonali Holocaust Era Assets Conference (Website) la presentacijonaha le dokumentistar, le „phenipestar andar Terezín (Theresienstadt)“ (PDF), ar sina. Kaj i opferengeri grupn le Romendar use aja pantsch divesengeri Prager konferenca use sina, le insistirinipeske le Romengere-fatreterendar schaj palikerdo ol. Jek akaripe le Romendar na sina le keraschendar planim. Papal jefkar. Mint imar angle poar masektscha uso Holocaust-gondolipeskero mulatintschago le Khetane Nacijonendar o opfertscha le Romengere-genocidistar, kekaj but protestscha dija, prik gele ule. I kerdi konferenca la Tschechijatar, sava akan i EU-presidentschoft hi, i lejcti chance sina, sar andar i rik la US-delegacijonatar butschol, „le prik dschivdenge tschatschipe use te anel te mukel“.

Ham te o Roma, save akan a.s. andi Tschechitiki republika papal vasch pumaro dschivipe iste daran, ando planinipe la Prageriskera konferencatar tschak afka pobisterde ule, sar Čeněk Růžička phare vodschiha phukal. On iste kemfinde, kaj use oda mulatintschago schaj le use sina. Uso mulatintschago ham bojd na gelo papal akor vasch lende, phenel te i Jana Horváthová, vodaschkija le museumistar la Romengera-kulturatar ando Brno/Brünn. Adaj akor avre gondi tuke ando schero an. O voschtengere vakeriptscha le diplomatendar (…) naschtig hajode on, te on le cile opferenge le nacijonalsocijalismusistar pomoschago use phenen, ham andi konkreti situacijona pal likeripeha andi akcijona tretinen. (Katja Schickel, haGalil)

Tweet