Datscha, fakti, gende: Bosnija

Januar 4th, 2015  |  Published in Allgemeines, dROMa (Magazin)

Bosnien-Herzegowina (Foto: Tagesschau.de)Roma andi Bosnija-Hercegovina

2,2 milijoni manuscha maschkar 1992 taj 1995 ando ha­buri andi Bosnija tradim ule vaj naschi gele, but lendar andi Austrija (90.000) vaj andi Ger­ma­nija (320.000) ale. But desche­seri Roma sina, kor­kore ando foro Berlin 5.000 le 40.000 dschi 80.000 bosni­tike Romen­dar ale, save masch­kar o etni­schi frontscha pele. Barikan ando ser­bitiko thanes­kero falato but Roma, save ojs mus­lim­tscha dujvar le bibas­tale tradi­peske ar bescharde sina, murda­ri­pes­kere taj tra­di­pes­kere opfer­tscha ule. Va­schoda butvar cile gaves­kere khe­ta­niptscha naschi dscha­nahi. O pal­ge­jipe adale naschi­geja­schen­dar dschi adi meg igen pharo hi. Sar palo genocid masch­kar o dujto the­mes­kero haburi, ande savo 90.000 jugosla­vi­schi Roma mur­dar­de ule, but len­dar pumare pujste khera lakle vaj ande len­gere khera vala­ko avro akan dschil. Butvar o doku­men­tscha fali­nahi, kaj len­gero koja pal te usch­ti­den vaj vasch loj le papal upre bauni­ni­peske schaj aun roden. But gemajndi le dsche­nen, save pal ale, na kam­nahi te registri­ri­nel. But lendar papal le naschi­geji­peske mujsim ule vaj ande jek le 36 ilegali sid­lungen­dar dschin. I UNDP loke phenel, hot andi Bos­nija valami 40.000 dschi 50.000 Roma del; avre sche­ci­niptscha ham utsche­der pasch­lon. Tschak 4 % le bare Romen­dar buti hi; 70 % nan nisaj use­gejipe uso sas­ti­pes­kero pomo­schago taj valami 80 % le bos­ni­tike Romen­dar nan nisaj isch­ko­la­kero kise­ti­nipe. (RU)

(andar: dROMa 33, 1/2012)

Comments are closed.