Roma sam
Radijo Burgenland: 18.8.2014 (on demand)

32 berscha o schero le khetani­pes­tar: o Ro­ma­ni Rose ando vakeripe

Ando bersch 1980 jek grupn Sinti upro than le logeriskere gon­do­lipes­kere thanistar Dachau ande jek boka­­lipes­kero schtrajk gele. O bokali­pes­kero schtrajk, kaj o Romani Rose ojs vake­ra­schi use sina, use jek koja ulo, savo upro cilo them hango uschtidija taj le gon­do­lipeske upro flogos­kero murda­ripe taj upro feder terdscho­jipe le Sintijen­dar ando nimtschko kheta­nipe jek barikano aun defi­nipe sina. „O khe­tanipe le nimtschke Sintijendar taj Romendar ando 70te berscha mre dadestar kerdo ulo“, phenel o adiveseskero schero le Centrali Rotistar le Nimtschke Sintijen­dar taj Romendar, Romani Rose. „Tscha­tschi­kan aktivi amen akor ando kise­tinipe le 70te, ando kesdipe le 80te berschen­dar ujam“, afka o Rose bajder.

„Oda, so amen o esbe lipe la aguna cajtatar upro drom dija hi, pe le tschatschipes­kere schtotiske taj la demokra­cijake an­de te bescha­rel“ phenel o Roma­ni Rose. „Amen i demokra­cija iste araka­ras“, afka o Rose bajder. „Ham te ande jek tschatschi­pes­kero schtot i Politik iste kontro­lirim ol. Bibas­tale koji iste upre sikade taj ar putrim on“, phenel o Rose. „La cu­kunftake va­schoda igen barikano hi, kaj terne manu­scha ande ada vilago le bajder keri­peske le smiromistar taj le manu­scha­ni­pestar ande pumen bescharen“, afka o Rose. Buteder pedar, schunen tumen andi sen­dung „Roma sam“ upro Radijo Burgenland.

(volksgruppen.orf.at)

Tweet