Roma sam
Radijo Burgenland: 22.6.2009, 20:50 orenge

O farajn Roma-Service likerel ando Romano Centro Betschiste, imar o 6. semesteri jek Romano siklipe tel. Ando Romano Centro siklon Roma taj gadsche khetan Roman ando alav taj pisintschago. O dschene, but lender na flogoskere dschene hi, an sako kurko khetan, kaj i Romani tschib ando alav taj pisintschago schaj siklon. Ham te duj Roma, o Ludwig taj o Julius mindig uso siklipe mit laden. „Kaj i Romani tschib kher na buter afka vakerdo ol hi schukar ando Romano siklipe amari Romani tschib te vakerel“. O kursiskero vodaschi Emmerich Gärtner-Horvath, ando vakeripe la Susanne Horvathaha, loschanel pe, kaj andi grupn akan te o dschene pajtaschtscha ule, save pumen te avrutnon le kursistar diken. I romani tschib dschi ando bersch 1993 le mujeha bajder dim ulo. Ando oktoberi 1993 akor o burgenlanditiko Roman khetan la Karl-Franzens-Universitetaha Gereci kodificirim taj didaktisirim ulo. Ando paschipe la cajtatar pasche mero diversi publikacijontscha te siklipeskere materijaltscha kerde ule, save akan uso Romane kurstscha ande bescharde on. (volksgruppen.orf.at)

Tweet