Radijo Kaktus / WEBRADIO oe1campus
5.6.2009, 20:00 & 6.6.2009, 20:30 orenge

Ando austritiko khetanipe la literaturake idsch i lyrikakeri kenva le Mircea Lacatusistar „Rund um meine Eltern eine Burg“ angli tertschardi uli. O poesiji ande hipnotischi furijosi komposicija le Koloman Polakistar (Website taj MySpace) presentirim uli. Mircea Lacatus, o dichteri taj kipengero tschidaschi rumenitike vurclinenca jerintscha 2007 andi kategorija „Lyrik“ uso pisintschagoskero vetbeverb le farajnistar Exil. Andi kenva poesiji andi rumenitiki taj nimtschki tschib ande hi, save andar o ileto le Lacatusistar phukan. „Me kamahi mre palgondoliptscha andar mri palutni cajt te retinel“, phenel o Romengero literat Lacatus ando vakeripe la Gilda Horvathaha. Koloman Polak pisintscha ando keripe le projektistar i komposicija „Mein Vater, der Zigeuner“ uso poesiji le Mircea Lacatusistar. O Rom slovakischi vurclinenca kertscha jek verk, savo tut dschuminel, phandel taj kamipe del.

Sar o poesiji le Mircea Lacatusistar, hi i komposicija le Koloman Polakistar o ande gejipe ande jek maschkarutno them – jeke schetalinipeha maschkar palgondoliptscha taj sune te dikel –, andi bari diha cidipeskere maschkar vrischtschantschagi le cile andrutne atschime sunedikpendar, use schunipe te lakel. I kenva le Mircea Lacatusistar „Rund um meine Eltern eine Burg“, ari ali andi Edition Exil taj le farajn Exilistar potschim uli. Ando 16. juni del o schajipe ando „Theater am Spittelberg“ te poesiji sar te komposiciji meg jefkar te schunel.

„Mein Vater, der Zigeuner“
komposicijona le K. Polakistar uso poesiji le M. Lacatusistar
(paloda te schunel hi o Mosa Sisic and the Gipsy Express)
16. juni 2009 , 19:30 orenge
7., Theater am Spittelberg, Betsch

Emmerich Gärtner-Horvath, ORF Volksgruppenredaktion
(volksgruppen.orf.at)

Tweet