O prik astariptscha upri Romengeri-flogoskeri grupn ando Ungriko na tschintschol tel. Andi rat upri srida jek teteri ando ostitiko ungriko Abádszalók ando kher jeka Romengera-familijatar ande phagla taj le murscheske taj la dschuvlake save sovnahi – jek 27-berschengero taj jek 26-berschengeri – phare tschinipeskere dukajiptscha upri men, kolin taj pre kertscha, pisinel i ungriki neviptschengeri agentura MIT. Le fatschuske, savo maschkar i daj taj o dad sovlahi, na ulo nischta na kerdo.

Le 46-berschengere teteri prindscharnahi. O teteri pal o erschti upre liptscha adale prik astaripestar jeka murajipeskera klingaha le dschenenge o dukajiptscha kertscha.  Avre dschene save ando kher dschin schaj le teteri astarde, savo pe söbst dukatscha taj ov, sar o avre duj, andi schpita ladim iste ulo. Gejng o mursch jek proces vasch murdaripeskero probalinipe kerdo ol, phenel i vakeraschkija le harengereskere presidijumistar le komitatistar Jász-Nagykun-Szolnok, Zita Szabó, upro senderi Inforadio. Upro phutschajipe, te ada prik astaripe jek rasistischi sina, la harengerakera vakeraschkijatar akan meg naschtig jek pal vakeripe kerdo ulo.

Tweet