Festivalo Romale!12
September 3rd, 2012 | Published in Einrichtungen, Radio, Podcast & TV
Roma sam
Radijo Burgenland: 3.9.2012, 20:50 orenge/Uhr (on demand)
Sterejotiptschen nan nisaj than use ada tel likerdo festivalo Romale! Ando bersch 2008 ada festivalo ojs micinipe vascho tradiptscha, save gejng o Romengere kuduschtscha ando foro Gereci dija taj gejng i diskriminacija le lek bareder tschulipestar andi Europa, kerdo ulo, phenel i Astrid Kury. Romengere farajntscha andar o Burgenland taj andar i Slovenija, i universiteta Gereci taj jekoschne socijali inicijativtscha duach i Romale! ande jek kultureli taj politischi parujipe maschkar o Roma taj Sinti andar cilo them butschalinen. Ham te uso dialogo maschkar o tschulipe taj o avre dschene, phenel i organisatorkija. Pradim ulo ada festivalo ando 31. august 2012 la presentacijaha le duj projektendar Mri Historija taj Amari Historija, le farajnistar Roma-Service ando Pavelhaus ando gav Laafeld. Te o roasinipeskero artschijipe „Roma in Bewegung“ taj i duj tschiptschengeri pamarisengeri kenva „Lang ist der Tag, kurz die Nacht“, angle terdscharde ule. O keraschi adala pamarisengera kenvatar o Dieter Halwachs hi. Buteder pedar i ROMALE!12 taj i pamarisengeri kenva schunen tumen andi adivesakeri sendung Roma sam upro Radijo Burgenland.
