Workshop Romane tschavenge
Juli 25th, 2012 | Published in Jugend & Bildung, Kunst & Fotografie, Radio & TV
Roma sam
Radijo Burgenland: 23.7.2012, 20:50 orenge (on demand)
„Gypsy Fashion Style“ – Romale! 2012
O afka akardo „Gypsy Fashion Style“ jek virtschoftlichi jerinipe hi. O kipo pedar o schukar dschivipe ando naphandlipe, so adala mode barikane kerel, o Roma ham avrijal terdschin, phenel i designerkija Alexandra Poetz. „Lengero sako diveseskero esbe lipe hi, jeke themeha konfrontirim te ol, ande savo lengero than igen vusko hi“, afka i Poetz bajder.
Ando keripe la „Romalejatar! 2012“ andi khetani buti le Farajniha Roma Erba, le Roma-Servicejiha andar i Tikni Boslina taj le Romengere pastoraliha la diözesejatar Tikni Martona jek workshop le tschavenge kerdo ulo. Adaj tana taj gada feschtim, dschumim taj tel pisim ule. Te internacijonali prindscharde Romengere kinstlertscha, afka sar i Delain taj o Damian Le Bas, use sina. O „Gypsy Fashion Style“ papal le Romenca, lengera kulturaha taj lengera adivesakera dschivipeskera situacijaha ando khetanipe andlo te ol. I mode mindig jek politischi terdschojipe hi, ham te jek forma individujeli komunikacijonatar. O nevo „Gypsy Fashion Style“ sikal, hot o Roma upre pumaro telschtaminipe, upre pumari kultura taj upre pumare tradiciji barikane schaj on. Buteder pedar o „Gypsy Fashion Style“ schunen tumen andi adivesakeri sendung Roma sam upro Radijo Burgenland.
