I buti le Romane dajendar andar Csörög

Sajt trin berscha kejmpfinen daja andar i flogoskeri grupn le Romendar ando Ungriko Csörög vasch pumare tschave kaj te len asaj tschatschiptscha te ol sar le gadschikane tschaven andi ischkola. Mint sar ando but vilagi ost europaistar o terne Roma te ando gav ando norditiko le thanestar diskriminirt on. Khereskero phutrajipe le avre tschavendar taj na latscho arsiklipe hi i habeskeri phuv kaj na latschi buti uschtides upro butjakero foro. I buti le Romane dajendar andar Csörög paraschtun Betschiste le 15.000 eurojenca dotirti „SozialMarie 2009“ patjardo ulo.

Bibastalo koja le Romane tschavenge

Valami jek tritl la ofto berschengera flogoskera ischkolatar ando Ungriko o Romane tschave andar o normali siklipe ar tschapim on. On le gadschikane tschavendar phutrim on taj ande ajgeni klastscha, ande ajgeni ischkolakere khera taj telal bibastaleder koji sikade le on. O kejmpfinipe le dschuvlendar ando Csörög vascho ar granicalinipe taj na ande likeripe le tschatschipendar pomoschago la NGOatar uschtiden.

Positivi arvirkinipe upro Roma

I jury phenel: „Cilo ar pheripe le legali keripestar, pradipeskere panasitschijipe taj kejmpferischi aktivirung le restendar. Ada koja sikal virkinipe: upri Romengeri identiteta le dschuvlendar taj te upro cile Roma söbst, upre lengero upre lipe duach o cile avre, upro keriptscha la ischkolakera taj politischi entschajdinipeskere tregerendar.“

I „SozialMarie“ o pantschtovar ada bersch ar dim ulo. Oj le Wanda Moser-Heindlistar taj lakera „Unruhe Privatstiftungatar“ andi dschivipe vrischtschado ulo.

(volksgruppen.orf.at)

Tweet