Teateri pedar i fatradimi Romani familija
Mai 2nd, 2009 | Published in Film & Theater, Radio, Podcast & TV, Rassismus & Menschenrechte, Veranstaltungen & Ausstellungen
Radijo Kaktus / WEBRADIO oe1campus
1.5.2009, 20:00 & 2.5.2009, 20:30 orenge
Janez Janša ando Betsch: O reakcijontscha le publikumistar butvar duj esbe lipestar dominirt hi: iritacija taj ladsch, phenel o slovenitiko regiseur Janez Janša ando vakeripe pedar o sikajipe Betschiste. Janez Janša sina pra teateriskera grupnaha „Slovene National Theatre“ ando teatreri Brut Betschiste. O falato phukal i tschatschi historija jeka Romana familjijatar, savi le tschatschipendar ar ando bersch 2006 andar pumaro gav fatradim ule. Oda o erschti var sina, kaj tradipe taj rasismus andi Slovenija ando pradipe sikado ulo, phenel o regiseur Janez Janša. O falato kerdo ulo, phenel o slovenitiko regiseur Janša andral dokumentaciji taj upre liptscha andar o medijakeri archivtscha.
Roma ando micinipe: O Roma taj Sinti na tschak upri opferakeri rola te reducirinel, ham te te sikal, so i flogoskeri grupn schaj kerel, lake oda igen barikano sina, phenel i Ursula Glaeser, kuratorkija le artschijipestar „Roma ando micinipe“. O artschijipe Roma ando micinipe usi historija, aktujeli dschivipeskere situaciji taj mindenfelitiki kultura le Romendar andi Europa i lejcti paraschtuja pedar 100 kherodaschenca prado ulo.
O artschijipe „Roma ando micinipe“ imar jek falato le Romengere kulturakere festivalostar ROMALE!08 ando terno dschend Gereciste sina. Peskeri dujti stacijona lel o artschijipe „Roma ando micinipe“ andi „Roma:Lounge la Direkthilfejatar:Roma Betschiste“. Jek koperacija la akademijatar Gereci, Direkthilfe:Roma, le Romano Centrostar taj le farajn Roma-Serviceistar.
Andrea Härle, botakero schero le Romano Centrostar, pomoschintscha, o artschijipe Betschiste te anel. O artschijipe jek latscho keverinipe informacijatar taj latscha presentacijatar sikal, phenel i Härle. O Romano Centro bitinel dschi o ar le „Roma ando micinipestar“ te vodinaschtscha duach o artschijipe ischkolaschenge aun. Ando keripe le artschijipestar savi dschi ando 23. maj te dikel hi, te geniptscha, koncertscha taj diskusijontscha del. Te o Ilija Jovanović, schero le Romano Centrostar, andar pre verktscha genla, save ov tschak buter andi romani tschib pisinel. O artschijipe vaschoda leske tecinel, kaj oj igen barikane o tirinipe, ham te o prik dschivipe le Romendar ande lengeri dugi historija sikal, phenel o Jovanović.
Roma in Bewegung @ Roma:Lounge
Meg dschi ando 23. maj 2009
1160 Betsch, Neulerchenfelder Straße 83
