Radijo: „Existenz Enkel“ la Alexandra Reillatar
Juni 30th, 2010 | Published in Film & Theater, Geschichte & Gedenken, Radio, Podcast & TV
Radijo Kaktus / WEBRADIO oe1campus
25.6.2010, 20:00 & 26.6., 20:30 & 28.6., 11:30 orenge (on demand/mp3)
„Existenz Enkel“ butschol o dikumentariskero film la Alexandra Reillatar, savo palal phutschel sar i historija ando palgondolipe le individujendar bajder dschil. O dokumentariskero film kedenate, 22. juni 2010 ando keripe jeka martinejatar ando mulatintschagoskero kher ando becirk Alsergrund sikado ulo. O pradipe i becirkakeri angle terdschaschkija Martina Malyar kertscha, taj palo sikajipe le filmistar i Alexandra Reill le phutschajipenge taj diskusijake pe terdschartscha. I diskusija la Gilda Horvathatar anndar i flogoskeri grupnengeri redakcija moderirim uli.
Ando keripe le „Südwind“ dromeskere mulatintschagostar, savo ando 29. Maj 2010 andi vora le phure AKH-istar sina, terdschartscha i filmakeri keraschkija le manuschenge phutschajiptscha, save meg mindig na dosta tertscharde ule. Lake vaschi historija Betschistar dschal: ando vakeriptscha kamla oj ar te lakel saj khertan hejnginiptscha la adivesakera cajtatar o na tirinipe le avrethemengere manuschendar le historischi jomenca faschistischi identitetenca ande jek Betschitiko khetanipe hi. Oj le dschenen na tschak pali integracija vaj interkulturiteta phutschel oj te persenlichi phutschajiptscha lendar phutschel: so la „historijatar“ andar i NS-akeri cajt andi familija le ternenge phukado ulo!
O arajipe le phukajipendar i flimakeri keraschkija ande ada dokumentariskero film ande butschalintscha. Radijo Kaktus presentirinel tumenge artschiniptscha le filmistar.
