Roma sam
Radio Burgenland: 9.3.2009 20:40 orenge

Butschalimo kinstleri Andreas Lehner

O Andreas Lehner Pinkafatar al taj naphandlo kinstleri hi. Imar but berscha ov la flogoskera grupnaha le Romendar pe ar bescharel. Leskero projekto „Romengere- fatschuvtschengere thema“ aun peske dikel o dschivipeskere tschatschiptscha le tschavendar taj kamla ada ando artschijiptscha te sikal. Akan nevo projekto ando plan hi. Le projektoha „Romengere-fatschuvtschengere thema“ jeke artschijipeskere projekoske kategoriji lakle te on, save objektscha taj phukajiptscha use ar pheniptscha kerde te on. O khetaniptscha taj o mindenfelitike koji andrutnon la grupnatar le burgenlanditike Romendar, ande mindenfelitike grupn le Romendar taj Sintijendar, telal o cilo nipo, ande mindenfelitike generaciji ar lim te on taj prindscharde taj dschivdon kerde le te on.

Utscho rasismus: Kekaj o maripe upro Roma ande but europitike vilagi mindig o pradipe butschalinavel, phenel o anglo beschto le flogoskere bajrotistar le Romendar Rudolf Sarközi, hot o terne angle periptscha ando Ungriko ojs utscho rasismus schaj diklo ol.

Palo pradipe taj demokratisirung le phure sistemendar ando nochberiskere schtotscha ar pumen beschte o neve EUakere vilagi upro jefkar jeka bara flogoskera grupnaha, le Romenca. O Roma akor vasch o virtschoftlichi tekerinipe angle 20 berscha igen sik uso lek tschoreder dschene ule. Afka mindig ojs tschora tel dikle le on. Sikadipe taj afka o tel dschumipe le nabutschalinipestar telal o Roma jek latscho koja uso feder khetan dschivipe ovlahi, phenel o Sarközi.

Bajder ar pe bescharel i sendung la demonstracijaha „Dosta le maripeha gejng o Roma“ Betschiste.

Emmerich Gärtner-Horvath, ORF Volksgruppenredaktion
volksgruppen.orf.at

Tweet