Aktujeli kenvi pedar Romengere-kipi ando mediji

So o avre dschene patschan, pedar o Roma te dscha­­nel, tschak tschu­lo upre aj­ge­ni kon­tak­tos­ke­re ter­dschi­jip­tscha pal dschal, hatek tschak fa­mit­lim hi – ha­misch­no dscha­nipe andar o me­diji, pherde ne­ga­tivi kipen­ca, save ojs tscha­tschip­tscha ar dim on. O ande tele­visa taj ande komik­tscha use ledschi­me Romen­ge­re-si­kajip­tscha akan duj kenvi andar i Ger­­mani­ja aun pu­men­ge dikle.

Falato 1: Tatort taj Talkshows

Katharina Peters: Das deutsche Fernsehen und der Fall ,Rassismus‘. Mediale In­­sze­­nie­­run­­gen von Sinti und Roma im Tatort und in poli­ti­­schen Talk­­shows (= Edi­tion DISS, Bd. 46), falog Unrast: Münster 2021, 164 rik­tscha.

Sar adala medijali sikajiptscha le Romendar ande prin­dscharde for­matscha la nimtsch­ka televisatar naschen, jek sani kenva la „edicijo­natar DISS“ aun peske dikel. I Katharina Peters, adaj minden­feli­tike Polit-Talk­showen­ca taj ofto „Tatort“-se­rijen­ca donde pe bescharel: usar „Armer Nanosh“ (1989) taj „Kleine Diebe“ (2000) pedar o Betschi-krimi „Die schlafende Schöne“ (2005), „Brandmal“ (2008) „Mein Revier“ (2012) taj „Angezählt“ (2013) dschi otscha use „Mia san jetz da, woʼs weh tut“ (2016) taj „Klinge­lingeling“ (2016).

Taj oj mindig uso glajchi koja perel: O butvar sterejoti­pischi sikajipe rasis­tischi aun fitime kipi anel, save jek kon­trasto le „ajgeni kojastar“ taj le „durutne kojastar“ soral­jaren. Adaj te o tschule latsche proba­lin­tschage, ando krimis­kero phukajipe te rasismus te tema­tisirinel, hatek nischta naschtig keren.

Fikcijonali taj na-fikcijonali forma-tscha, „Tatort“ taj Talkshows, ando va pumenge khelen, lengere Romen­gere-kipi te kerel. „O fikci­jonali kerde esbe liptscha ando tscha­tschikane politischi diskusiji upre lim [on] taj vice versa.“ (rik 12) Le dikipeha upre tscha­tschikane terdschi­jiptscha taj upre diveses­kere politischi debatscha sikal i Peters, sar pe afka te o dikipe le Romen­ge­re-sika­jip­tschen­dar irinel: Terdscho­lahi ando kesdipe, butvar ande le Martin Walseriskero „Armer Nanosh“, meg o vitesi taj i ladsch le NS-fapha­geri­pestar andi erschti rik, irintscha pe o dikipe paloda uso asil, usi migra­cijona taj uso ostitiko bul­haripe – taj afka bejg le ajgeni nim­tschke tschu­lipestar. O Roma akan tschak ojs „proble­matischi“ (tschori­pes­kere-) migran­tscha andar i ost Europa ando pradipe te dikel hi. Taj ada, le cile khetan khudime stig­mati­siri­nip­tschenca.

Le Roman Urbaneristar

Aus/ando: dROMa 78, Sommer/Linaj 2025
(→Themenheft / themakeri heftlina: „Serien & Comics / Seriji & komiktscha“)

Tweet