Aus dem dROMa-Archiv (51/2017):

Schunipeskeri kenva: O holanditiko Sinto Zoni Weisz phukal pri bijografija

„Kekaj so sa pasirintscha, kekaj so me sa na­scha­tschom“, phe­nel o Zoni Weisz: „me bas­talo ma­nusch som.“ taj oda, kekaj jek bi­bas­talo hischo pedar les­kero ileto pa­schlo­lahi – sajt o 19to maj 1944, kada ov ojs efta ber­schen­ge­ro iste use dik­lahi, sar les­keri Sin­ti fa­mi­li­ja an­dar o lo­geri Westerbork, Auschwitz ledschim uli.

Ov na ulo ledschim, kaj leske jek holanditiko harengero upro srastu­nakero than pomo­schin­tscha, naschi te dschal: „Te me mri kalapa tel lijom, akor iste nasches, iste nasches!“, phen­tscha leske o haren­gero. Taj o Zoni te naschel kes­dintscha taj upre jek srastuni upre urtschano, savi bejg ladlahi. Ande minden­fe­ltike garujip­tscha o masek­tscha prik dschiv­tscha – ando vescha, use gadsche, ande jek thudeskeri firma, mindig la daraha, le nimtsche nim­cendar astardo te ol. Ham o Zoni prik dschivtscha: „I cili cajt“, phen­tscha lo, „jek endsche­li upre mro phiko sina.“

Ada sa, o adiveseskero 80 berschengero phukal, afka, hot kiva­nines tuke, hot adala duj CDs ande saki isch­kola­keri bib­lijo­teka terdschon. 120 minuti phukal o Zoni Weisz pedar o falati pre dschi­vi­peskere dromestar: usar o tscha­voripe ando grasten­gere verdi, savo le and gejipeha le nimtschke nim­cendar jek bibas­talo kiseti­nipe lakla; taj la „kala heftschatar“, savi ali, kada leskeri familija and tschapim uli: „So, so ande tro dschi­vipe bari­kano hi, bejg hi!“

Ham o Zoni jek nevo kesdipe schofintscha: Na dur pal o kisetinipe ojs but­scha­schi use jek floristo kes­din­tscha, taj maschkar o bokreti, pro akaripe lakla. Tel phaglo tschak le nimcen­gere di­janstistar ando varno vesch ande Surinam, o Zoni Weisz srastuna discip­linaha upre pe butscha­lintscha, usar o arsikli­pes­kero tschau dschi uso floristo leskere vilagostar, saveske 2002 muguli o bokre­ten­gero keripe le kiralen­gere bija­vistar prik dim ulo. Taj te leskero schpur­tiskero gajst baro sina. Le igen schukar bokre­tengere keripenca, te jek than ande „Guin­ness-Buch der Re­korde“ ande lel.

Upro cenit leskera karijeratar o Weisz akor o bokreten­gero them pal peste mukla taj kesdin­tscha, pe leskera flogos­kera grupnake ande te be­scharel. Kada leskero cousin taj odoles­keri tschaj o erschti holandi­tiko Sinti farajn kerde, te o Zoni Weisz use sina, le kojaske buti te kerel. Bara soraha o aun­prin­dscha­ripe le tirime natscha­tschi­pestar man­gnahi. Mint te o Holand le Sinten taj Romen, but desch berscha uso ulajipe le nimtschke pomo­scha­goskere lojendar, pobisterde: „I holanditiki regiriung sajt 1945, tscha­tschikan, tscha­tschika nischta, amenge na kertscha. Odola nisaj infor­macija amen na dine!“

Ada irintscha pe erscht, kada jek hojamo genipes­kero lil ari dim ulo, ande savo o Weisz jek phu­kajipe jeke his­tori­keristar ande falati kedija, savo o „Zi­geu­neren­gero tradipe“, ande poar soclini, upre sikatscha. Na dur paloda, o Zoni Weisz le minis­teren­gere presi­dentoha upre jek stolo beschlahi, pedar o pomo­scha­goskere loj le Sintenge taj Romenge te fa­hand­linel. 2011, ojs va­keraschi uso holo­caustis­kero gon­dolipe ando nimtschko bun­dakero divese akardo lo ulo – ov o erschti Sinto sina. „Te kerav oda vaj na? Ando vodschi jeke vila­gostar, jeke flo­gostar, savo atschi briga antscha“, phutschla pe o Zoni Weisz, kaj akor phendo schaj ol: „He, me kerav le! Taj soske? Akor diklo schaj ol, hot na murdare le cilen amen­dar, taj hot meg adaj sam!“

Ein gutes Leben. Zoni Weisz erzählt seine Biografie, schunipes­ke­ri ken­va 2 CDenca, ari alo ando Verbrecher falog.

Le Roman Urbaneristar

Andar: dROMa 51 (Herbst/Winter | Terno dschend/Dschend 2017)

Tweet