I turkitiki Romengeri-organisacija „Roman Kültürü Araştırma Geliştirme Yardımlaşma ve Dayanışma Derneği“ angle poar kurke le pomoschagoha le gouverneuristar andar Bursa jek forschinipeskero- taj informacijakero centrum kerde, ande savo but koji usi Romengeri-tema taj usi Romengeri-historija te lakel te del. O schero la organisacijatar Efkan Özçimen phenel, hot o centrum ando vest turkitiko Bursa le cilenge prado terdschola, save pumen le forschinipeha la Romengera kulturatar donde beschen: „Ando but deschberschengero eseri forschinipeskere butscha pedar Roma ando mindenfelitike universitetscha amare thanestar kerde ule; akan use sam, jek forschinipeskero- taj informacijonakero centrum te kerel, kaj i kultura le Romendar, EU-projekti adale keripeske pomoschinen, sikadi schaj ol.“

(Roma Daily News via cingeneyiz.org)

Tweet