Roma sam
Radijo Burgenland: 13.6.2022 | (on demand)

Imar sajt feberi adale berschestar andi Ukraj­nija haburi hi. Sako di ando mediji pujste tschite fori taj manu­schen dikas, save bi­bas­tale tiri­ni­peske ar be­scharde hi. Ande jek bibas­tali situ­aci­ja adaj o Roma andi Ukraj­nija hi. But austri­tike pomo­scha­goskere organisaciji taj te Ro­menge­re-fa­rajn­tscha adala probele­moske aun pumen len taj po­mo­schi­nen, kaj dscha­nen.

I Nadine Papai, schero le farajnistar Lebenszeichen, imar sajt o kesdipe le ha­buristar, le manu­schen­ge andar i Ukraj­nija pomo­schinel. Igen bari­kano paschlol adaj lake­ro di­kipe upri flogos­keri grupn le Romendar.

Le flogoskere grupnakere dschenenge le Romendar, o ar roasinipe andar i Ukrajnija butvar pharo kerdo ol. Odolen­ge, save le schofinen ando ara­kardo vest naschi te dschal, i diskri­mi­na­cija vasch lengeri entija te ande but EU-ja­kere vilagi, bajder dschal. Andi Austrija o Roma upre tschu­leder diskri­minacija resen. Adaj butvar upre na ha­jojipe vasch lengere fami­lijakere situaciji taj lengeri kultura resen, phukal i Nadine Papai.

I Nadine Papai jek falato lakera butjatar afka kerla, hot oj upro ukraj­nitike Roma dikel, save imar andi Austrija hi. Le Romen­gere-fa­raj­nenca mindig ando arpa­rujpe hi li taj ando april use jek famili­jakero khetan ledschipe ando Burgenland, schaj pomo­schintscha. Ada la Nadine Papaijake igen tecintscha.

Roma-Service le Romengere familijenge po­mo­schinel
O Emmerich Gärtner-Horvath taj o farajn Roma-Service akan adala Romengera-fami­lijake pomos­chinen, savi ando becirk Erba jek upre like­ripes­kero than lakla. Le tschaven jek than ando sikli­peskero pomo­schago le farajnistar hi taj on adaj te andi ischkola dschan. I baba la fami­lijatar ande jek naschike­ra­schen­gero logeri ande Bajern muguli tscha­lajiptscha usch­tidija, ang­loda oj andi Austrija schaj ali, afka o Emme­rich Gärt­ner-Horvath. O pantsch tschave taj o duj dschuvla, le bibastale haburiskere terdschi­jip­tschen­dar, igen phare trau­matisirim hi. Tschak phare angle schaj tumenge terdscha­ren, sar adale manu­schenge pal asaj terdschi­jiptscha dschal, phenel o Emme­rich Gär­tner-Horv­ath.

Tschule dschene ando siklipeskero pomoschago
Angle poar divesa papal jek Romengeri-familija andar i Ukrajnija, ofto tscha­venca taj trin dschul­venca, jek upre likeri­peskero than ando sud Bur­gen­land lakla. O siklipes­kero pomo­schago le farajnistar Roma-Service imar igen pherdo hi. Butvar o tschule loj, save adaj le sika­vi­peskere dschenen­ge del, le Emme­rich Gärtner-Hor­vathiske, brigi kerel. Ov la politi­katar mangel, hot ande aja rik valaso te kerel. O tschave o scha­jipe te uschtiden, valaso te siklol, hot on pumen te paloda jefka andi Austrija tel schaj muken, te oda kamna, afka o Em­merich Gärt­ner-Horvath.

(Text: Josef M. Schmidt, volksgruppen.orf.at)

Tweet