Radijo Kaktus: So hi diskriminacija?
Oktober 31st, 2009 | Published in Radio, Podcast & TV, Rassismus & Menschenrechte
Radijo Kaktus / WEBRADIO oe1campus
30.10.2009, 20:00 & 31.10., 20:30 & 2.11., 11:30 orenge
So hi diskriminacija …? Use aja tema akartscha o Romano Centro ekspertschen taj interesirti dschenen use pumende, kaj pedar oda te vakerel taj o angleperiptscha andar i rejaliteta te porotinel taj te analisirinel. O Volker Frey andar o „Klagsverband“ taj i Ulrike Salinger andar i „Gleichbehandlungsanwaltschaft“ informacija idsch dine ando Romano Centro pedar o „Gleichbehandlungsgesetz“ taj o schajiptscha, tschatschipeha gejng i diskriminacija angle te dschal. Lek feder odola temakere kariki porotim ule save manuschen andar o flogoskere grupn taj tschuliptschen. Gilda Horvath buteder pedar ada phukal micinen.
„Diskriminacija uso kherengero ardipe, uso birovtschagi atschivar angle peren sar uso privatengere dschene“, phenel o Volker Frey andar o „Klagsverband“. „Panasi te tschil schaj jek drom hi, saveha tu tuke schaj pomoschines“, phenel i Ulrike Salinger andar i „Gleichbehandlungsanwaltschaft“, ham o krisakere procestscha dur dschan taj psichischi soralipe mangen taj duripeskero arlikeripe le restendar. Vaschoda jek ar glajchinipe vaj jek arvakeripe feder hi, te o koja, pedar savo dschal, te bajder jek falato le dschivipestar te atschel (kher, buti, taj buteder…)“.
O fatretertscha le Roma organisacijonendar pedar oda koja poritinahi, taj len imar but terdschavipe la temaha „diskriminacija“ sina. Jek dad, savo odoj sina, upre sikatscha, hot diskriminacija imar andi ischkola kesdinel taj ando ischkoli le kamlipeske le meschterendar arbeschto sal. Kaj o entviklipe ande oda dschal, hot but terne Roma le gadschen na kamna, nan vunderi, phenel oda dad meg use. Ada te hajol hi, te ande jek karika o anticiganismus jek diveske le „anti-gadschismus“ prik terdschol.
