O ratschaskero schitiknojipe le alavendar

Me uscharv upro uferi la bara lenatar
Upro schitiknojipe le alavendar
Ando vojaschno than le egojismusistar
Upre tauchinel andar o paj
I vurclina andar o gendo trin
Prik o udud le tschonestar
O lek schukareder matscho karika cidel
O drom uso meripe mirinel
Trin ududane doriktscha le tschonestar
Ande mri jak
Trin fodri upre mro tschekat
Schitikno ol o alav
O drom uso meripe te dikel hi

Ando Burgenland-Romani o Josef Schmidt (dROMa) o prik be­scha­ri­pe kertscha.

Palo dugo pharo nasvalipe o Rajko Đurić ando 73ti bersch mulo. O Raj­ko Đurić an­do 3ti ok­to­be­ri 1947 ande Malo Orašje, Serbija, upro them alo taj ser­bitiko Ro­men­gero akti­vis­to, pisi­naschi taj po­li­tikeri sina.

O Đurić schtudirintscha upri filosofischi fakul­te­ta upri uni­ver­si­teta Belgrad taj promo­vir­tintscha pedar i kultura le Romen­dar andi Jugosla­vija, savo te ov söbst sina. Andar 1990 dschi 2000 sina ov o presi­dento andar i Inter­naci­jo­nali Roma Union. Ando 1980te berscha sina ov o schero la kultu­rakera redakcijatar andar o papruschengero nevipe ande Belgrad le ana­veha „Politika“. Ov lirik sar „Essay“ taj kenvi use histori­schi, kultu­rakere taj litera­tu­rakere viso­schoft­lichi temtscha kerlahi.

2001 sina ov generalskretari andar o internacijo­nali „Roma-PEN-Zentrum“. 2004 ov Belgrad pal gelo. Uso parla­mentis­kero völi­nipe ando je­neri 2007 sina ov kanidato la par­tajatar Unija Roma Srbije (Roma-Union Serbija), kaj ov o angle­beschto sina, ando serbi­tiko par­lamento völim. Paloda uso angle cidimo parlamentiskero völinipe andi serbija 2008 ov na buter jek mandatar uschtidija.

Harne anglo kesdipe le haburistar andi Jugosla­vija gelo ov 1991 Berlinate. Ov mit­glid ulo ando „PEN-Zentrum“ andi Ger­manija. 2002 o Đurić le sve­diti­ke „Tucholsky-Preis“-iha le eksil dschiv­de pisi­naschi­ha pa­tijardo ulo.

(volksgruppen.orf.at)

Tweet