Roma sam
Radijo Burgenland: 6.1.2020 | (on demand)

O flogoskere grupnengere loj akan ando nevo re­gi­run­ga­ke­ro pro­gramo „utsche­der“ ovla, ham o cilo man­gipe le flo­gos­ke­re grup­nen­dar na prik be­schar­do ovla.

O flogoskere grupnengere fartretertscha taj fartre­ter­kiji mangen dujvar atschi loj sar andar o bersch 1995 aun usch­tiden. Ada ovlahi valami 8 mili­joni Euro. Upre buteder sar 300 riktscha skicirinde o duj regi­runga­kere partaji pu­maro cukünf­tigi keripe ando pantsch berscha. Upri rik 13 le re­gi­rungake­re programistar o plan­tscha la neva bun­dakere regi­rungatar le aun­prin­dscharde flo­goskere grupnen­dar an­dar i Austrija ande hi. Jek schukar falato le man­gi­pendar le flogos­kere grup­nen­gere fartre­terendar taj farter­kijendar usi khetani prese­jakeri kon­ferenca angli boschi­tscha ando nevo regi­run­gakero programo ande lim ulo.

Vasteskero pisinipe le Kärntnerendar

Ko usi presejakeri konferenca ando 17. decemberi 2019 use sina, dschanel kaskero vastes­kero pisinipe adale regi­run­gakere man­gipestar ledschel. So ando nevo regi­runga­ke­ro programo ande terdschol usi pre­sejkeri kon­ferenca le fartre­teren­dar le Kärntner Slo­venendar Bernard Sadovnik manglo ulo. „Finacijeli tel like­ripe le flo­goskere grupnen­gere medi­jendar.“ Palo phe­nipe le Sadov­nikistar o flogos­kere grupnen­gere mediji o ledschasch­tscha la dajakera tschib­tschatar hi taj lojen­gero pomo­schago vasche dim te ol. Ada man­gipe ando programo le regi­rungakere par­tajendar ÖVP taj Selene jek barikano than uschtidija. Jek bari­kano tema sikal o man­gipe ojs aun­prindscha­ripe la Jenischi flogos­kera grup­natar andi Austrija. O flogos­kere grup­nengere fartre­tertscha usi khe­tani pre­sejakeri kon­ferenca ando decem­beri 2019 upre sikade, hot o flogos­kere grup­nen­gere loj sajt 1995 na buteder ule taj o dujtschib­tschen­geri isch­kolakeri koja sajt 25 berscha na use i adive­sakeri cajt aun pasim uli. Use adala punktscha akan o regi­run­gakere partaji pumaro use terdscho­jipe dine. O flogos­kere grupne­gere loj utscheder kerde ovna taj i „türkis-grü­ne“ re­girung kamla, kaj o thana o pekamle loj le keri­peske, telike­ripeske taj pomscha­goske duj- taj butschib­tschen­gere tscha­vengere baren­ge le flogos­kere grup­nenge dim te ol.

Arbulharipe le aunbitinipestar upro ORF III

O arbulharipe le televisijakere programistar upro programo ORF III la neva regi­rungake jek aun pasch­laripe hi. Ada man­gipe usi pre­sejakeri kon­ferenca le flo­gos­kere grupnen­gere fartre­teren­dar taj farter­kijen­dar le ORF istar manglo ulo.

„Modernisirung“ le flogoskere grupnengere fatretinipestar

I nevi kojalicijonakeri regirung, savi adi, 7 jeneri, atschardi te ol, kamla jek butja­keri grupn telal o ande phandlipe flogos­kere grup­nengere fartrete­rendar taj fartreter­kijen­dar, baj­rotscha te kerel. Aja formu­lirung duj kojenca te dikel hi taj na latscho arphe­nipe del, so telal „moder­ni­si­rung“ kamlo kerdo te ol. Pekamlo ovlahi buteder jek godschi­kani eman­ci­pirung le flogos­kere grup­nendar le bunda­kere birov­tscha­gostar. O bitscha­jipe le mit­glideren­dar ande jek flogoskero grup­nen­gero bajrot ojs fartretere­ngero organ sajtens le bunda­kere kanc­le­ris­kere birov­tscha­gostar butvar andi lejcti cajt le flogos­kere grup­nen­gere or­ganisa­ci­jendar aun prange­rim ulo. O flogoskere grupn pumare fatre­teren nisaj ande fojnipeha jeke regirun­gakere birov­tscha­gostar ar te roden te tro­manahi.

Jek avro punkto hi le regirungakere programistar i dajakeri tschib ande o vir­tujeli koji le pra­dipestar vaj le ge­majnden­dar ojs birov­tscha­gos­keri tschib.

(Le Serdar Erdostistar, volksgruppen.orf.at)

Tweet