Pal scheciniptscha dschin korkore andi Slovakija, ando Ungriko, andi Rumenija, andi Bulgarija taj upro Balkan ofto dschi desch milijoni. Kitschi Roma tschatschikan andi Europa vaj andi EU dschin, naschtig phendo ol. Andi Bulgarija but uso turkijakero tschulipe pumen use genen, ando avre vilagi khelel i dar anglo tel dikipe ojs „Zigeuner“ jek baro koja. Oda ar kertscha, hot use flogoskere geniptscha but Roma i nacijonaliteta pumare vilagostar aun dine, ham lengera flogoskera grupnatar na.

Afka o oficijeli taj o inoficijeli dschenengere statistiktscha dschi akan igen bulhe donde dschan. Kaj birovtschagoskere lila pedar poar scheleserendar vakeren, hi o tschatschikano gendo utscheder taj butvar ando milijoni dschal. Tel tschindo le sikadipestar taj le butschakere forostar, o tschoripe maschkar jek avrijal sar homogeni taj khetano „tschulipe“ ande pe terdscharel, savo akan la politikatar taj te le NGOjendar naschtig upre likerdo ol.

O socijali dschivipe vasch i flogoskeri grupn le Romendar nan tschak andi Slovakija taj ando Ungriko asaj bibastalo. Pal scheciniptscha dschin korkore ande adala duj vilagi taj te andi Rumenija, andi Bulgarija taj upro Balkan ofto dschi desch milijoni – telal bibastale dschivipeskere koji. Mindig imar ar granicalim taj tradim, o Roma, sajt o komonismus khetan pelo, ande sidlungtscha taj ghettos jek na manuschengero dschivipe dschin. I EU, kaj pe ada tschoripe tel khelel, na lakla meg nisaj putripe.

(Artikel: volksgruppen.orf.at / Übersetzung: Josef Schmidt, dROMa)

Tweet