EtnoRom − Mindenfelitiki Romani muschika
September 26th, 2009 | Published in Musik, Radio, Podcast & TV
Radijo Kaktus / WEBRADIO oe1campus
25.9.2009, 20:00 & 26.9., 20:30 & 28.9., 11:30 orenge
2005 duj muschikaschendar le barikane prindscharde ensemblesistar Kalyi Jag, le József Balogistar taj la Ágnes Künstleratar kerdo ulo, on mitglidertscha andar EtnoRom (Website) hi taj uso barikane prindscharde dschene la ungrika Romengera kulturakera szenejatar kerinen. O cile tekstscha andi Romani tschib pisim on. Te ungrike taj balkanitike ande fojiniptscha ande hi, ham te privati muschikane kamiptscha le muschikaschendar ande lengere verktscha ande phandle on. Ada te o dschene esbe line, save uso koncertscha andi Espanija, Germanija taj Finland mindig barikane vrischtschande, phukan o muschikaschtscha. Réka Tercza andar oe1campus vakertscha la bandaha Betschiste.
O dschivipe upro droma na mindig loschane hi. Divesa del kaj dschene andar i banda meresch kher ovnahi. Ham tschatschikane problemtscha la banda nan. Buteder gondi sina upri kvaliteta la muschikatar taj lek buteder upri produktcijona la dujta CDatar. La dujta CDaha ham EtnoRom te sikal kamla, hot on o angle prastartscha la Romana-themeskera-muschikatar hi. Pumaro prindscharipe taj lengero pajtaschago avre bandenca kamna EtnoRom te pumengera flogoskera grupnake hasna te kerel. Lenge aun paschlaripe hi te sikal, hot o Roma jek feschtimi, vodschikani taj barikani kultura dschin savi mol, dschivdon te likerel.
Emmerich Gärtner-Horvath, ORF Volksgruppenredaktion
volksgruppen.orf.at
