Schtar tetertscha la murdaripeskera serijatar gejng dschene la ungrika Romengera-flogoskera grupnatar idsch ando astaripe pele. O murscha vaschoda ande tschapim ule, kaj lenge angle tschidim ol, hot on uso prik astariptscha use sina, kaj schov manuscha mule. Sar i ungriki nevipeskeri agentura MTI phenel, o schtar murscha, save andi rat upro tschterteko ando norditiko ungriko foro Debrecen astarde ule, maschkar 28 dschi 42 berscha phurane hi.

So schtar phenen, hot on use adala prik astariptscha use sina, phenel i Nóra Ruzsbaczy, fischkaroschkija le 42berschengere Árpád K.istar. Dujenge tschak jek prik astaripe use phendo ol, le avrennge serijakero prik astaripe. I Ruzsbaczy phenel, hot le astarden „dar vasch pumare dschene sina taj hot o Roma vaj avre manuscha akan lengere dschenenge valaso kerna“. O Márton Lörincz, fischkaroschi le 30berschengeree Zs. P.istar phenel, hot leske jek murdaripe taj but murdaripeskere probalintschage use tschidim on. O mediji phenen, hot o Árpád K. taj o István K. phrala hi taj duj le schtar murschendar tetovirungen naci-simbolenca ledschen. Dschi ando 23. septemberi akan o erschti ande tschapinipe ari dim ulo.  (Übersetzung: dROMa)

Tweet