Radijo: Roma-Holocaust-Gondolipeskero di
August 8th, 2009 | Published in Geschichte & Gedenken, Radio, Podcast & TV, Veranstaltungen & Ausstellungen
Radijo Kaktus / WEBRADIO oe1campus
7.8.2009, 20:00 & 8.8.2009, 20:30 orenge
Uso gondolipeskero mulatintschago ande Auschwitz-Birkenau sako bersch o Rudolf Sarközi (Website) use hi. Sarközi papal ada bersch pre tschauiha taj pre enkeliha andi Polnija upro drom pe kertscha, kaj odoj schaj le opferenge gondolinel. „O terne iste buteder ande phandle on“, phenel o Sarközi andi sendung „Radio Kaktus“. O flogoskero grupnengero anglebeschto kivaninel peske buteder terne manuschen uso gondolipeskere mulatintschagi, phentscha ov la Gilda Horvathake ando vakeripe uso 65. berscheskero di la likvidacijonatar le „Zigeunerlager“ istar ando Auschwitz-Birkenau.
Andi rat ando 2. upro 3. august 1944 o „Zigeunerlager“ phuterdo ulo, taj valami 2.900 dschene ando gaskamertscha murdarde ule. Sako bersch jek gondolipeskero mulatintschago le opferenge le Romendar taj Sintijendar anglo gondolipeskero than ande Auschwitz-Birkenau hi. Ando keripe le gondolipiskere mulatintschagostar likerde i Romani Rose, anglebeschto le „Zentralrats Deutscher Roma taj Sinti“, i cajtakeri ceugin Luise Bäcker, Manfred Lautenschläger, dijaschi le europitike polgariskere tschatschipeskere dipestar o schtotiskero sekretari andi Germanija, vodschikane vakeriptscha, save o bibastalo keripe andar mindenfelitike perspektivtscha upre sikade.
Emmerich Gärtner-Horvath, ORF Volksgruppenredaktion
volksgruppen.orf.at
