Ando foro Linz, sridon kiratiske, papal Romen­gere cerhi, akan andi Waldegg­straße, tha­bo­nahi. O haren­gere phe­nen, hot odoj aun dschiv­dschar­do ulo. Imar ando feberi, o Romen­gere cerhi, opfer­tscha jeka ja­ga­tar ule. Dsche­ne i jag dikle taj alarm tscha­lade. O Roma pu­mare cerhi pa­lal jek kher, savo bejg ispi­dim te ol andi Waldegg­straße, ando pa­schipe la vest phur­ta­tar upre tscha­lade. Gejng 17.00 oren­ge akor schtar cerhi upre jef­kar opfer­tscha jeka ja­ga­tar ule.

O cerhi taj pumare avre koji naschade

I fajervea i jag sik te putrinel dschantscha – o cerhi taj o avre koji le dschenen­dar ham nasch­tig buter retim ule. Meg kira­tiske dsche­ne o tha­bo­ji­pes­kero than aun pu­men­ge dik­le taj upre pele, hot adaj papal aun dschiv­dschar­do ulo.

„Khetan hejnginipe upro va passchlol“

Imar ando feberi dujvar cerhi Romendar ande Linz opfer­tscha jeka jaga­tar ule, kaj o tha­bo­ji­pes­kero koja te akor jek eks­terni tha­bo­ji­pes­keri kvela sina. O haren­gere phen­de, hot on ando cile ritscha, sa latsche aun pu­menge dikna – jek khe­tan hejn­gi­nipe adale ko­jenca ham upro va pas­schlol, phen­tscha o David Furtner, vake­raschi le haren­geren­dar. O dschene le andar i Walddegg­straße pha­gerde cer­hi­jen­dar – 15 dschene, tel lendar pantsch tschave – akan ando aguno poschtakero ula­ji­pes­kero centrum pasche i sras­tuna­keri vora Linz, ande kva­ti­rim ule.

(volksgruppen.orf.at)

Tweet