Servus Szia Zdravo Del tuha (feberi 2016)
Februar 22nd, 2016 | Published in Radio, Podcast & TV
ORF 2 Burgenland: Servus Szia Zdravo Del tuha
14to feberi 2016, 13:05 orenge
>>>TVthek
I moderatorkija Katharina Janoska le use dikaschen adi andar o projektoskero kher la thaneskera galerijatar Burgenland maschkar o aktujeli temtscha le flogoskere grupnakere magacinistar vodinel. O artschijipe „Kipi le mindenfelitike kojendar“ ando projektoskero kher ojs kesdipe le berscheskere pharipeskere gendostar 2016 le thanestar Burgenland pe hajol.
2016: Bersch le kultureli mindenfelitike kojendar — Sajt 2004 o kulturakero referat le thanestar Burgenland sako bersch jek pharipeskeri gendoskeri tema bescharel. O berscheskero pharipeskero gendo, le kultureli mindenfelitike kojenge, pe vidminel. O berscheskero programo 2016 te la adiveseskera cajtaha taj la cukunftaha le flogoskere grupnendar, donde pe bescharel. Afka o artschijipe „Kipi le mindenfelitike kojendar“ le autochtoni etnischi grupnenca andi sikadipeskeri kunst, donde pe bescharel. Pedar vakerel i Katharina Janoska la kuratorkijaha Margit Fröhlich.
Romengero-mulatintschago 2016 — Te ada besch o tradicijoneli Romengero-mulatintschago ando mojakero „Ungarischer Hof“ Tenu Erbate, tel likerdo ulo. But kherodaschtscha le akaripeske la VHS-atar le burgenlanditike Romendar, palal ale. O utschipeskero gende le kiratistar o völinipe la Romengera-Kiralkijatar, sina.
„Ko pomoschinel le mankuschiske?“ Schtar tschibtschakere kenvi la BAKIP-atar — Sar o dschivdo mindenfelitiko ar ditschol, sikal te i lek terneder buti la BAKIP-atar Erba. Ando jeneri le terne pedagogkijendar duj schtar tschibtschakere kipengere kenvi „Ko pomoschinel le mankuschiske?“ taj „Dschanes tu, kaj mro kheripe hi?“, angle terdscharde ule. Adala duj kenvi ando lejcti ischkolakero bersch le dajengere taj dadengere farajnistar la BAKIP-atar, ar dim ule.
Butjakere projekti le Romenge — Kaj i situacija le Romendar ando butjakero foro taj ando butjakero than feder te ol, le socijali ministerijumistar valami 1 milijona Euro dschi uso bersch 2020 projektenge ar dim ol. Pomoschago uschtiden projekti, save pumen le kojenca upro butjakero foro donde bescharen. O barikano projekto la diöcesejatar Gereci (Zorrom) angle terdschardo ol.
Rudolf Klaudus: Jek magijeri le feschtovtschendar — Jek magijeri le feschtovtschendar, afka hi o anav jeke artschijipestar andi thaneskeri galerija le Rudolf Klaudusiskere verkenca. O ande Deutschkreutz upro them alo kinstleri, te jek galijonakeri figura le horvackengere keripestar ando Burgenland hi. Koji leskere but berschengere keripestar dschi uso 10to april 2016 te dikel hi.
Anticiganismus pisinipe taj anti-diskriminirungakero tschatschipe — Duj berscha pal o erschti, o Romano Centro ando kisetinipe le berschestar 2015, o dujto anticiganismusikero pisinipe, le pradipeske angle terdschartscha. Vaschoda anticiganismus butschol, kaj jek bibastalo angle dikipe hi taj pe gejng manuscha terdscharel, save ojs „Zigeuner/innen“ esbe lim on. Ando „Presseclub Concordia“ i dokumentacija pedar o rasistischi taj diskriminirime angle periptscha gejng o Roma taj Sinti andi Austrija ando lejcti duj brscha, le pradipeske pasche ande ule.
Gondolinipeskero mulatintschago andi Erba — Ando 4to feberi 1995 o sudburgenlanditiko foro Erba uso than le lek phareder politischi motivirime atentatistar andi historija la dujta republikatar, ulo. Jek bomba schtar dschenen la flogoskera grupnatar le Romendar, murdartscha. Vaschoda 1998 Erbate jek gondolinipeskero than kerdo ulo.
Farajn Karika: Mulatintschago le pajtaschendar — O farajn Karika le Romenge taj Sintijenge gejng saki forma la diskriminacijatar ande pe bescharel. Karika andi nimtschki tschib „Kreis“ butschol, taj atschi sar jek khetanipe hi, taj analogi uso farajniskero anav probalinel, jek seltoskeri forma le donde bescharipestar taj hajojipestar maschkar o Roma taj o gadsche te schofinel. Vaschoda o farajn o „Mulatintschago le pajtaschendar“ kertscha.
