Papusza ande jek phukajipe o dschivipe la Romengera poetkijatar Bronisława Wajs, savi lakera dajatar vodschi­kan „Papusza“ akardi ol, phukal. Kada i Papusza 1910 andi ost Polnija upro them ali, o Romna angle lake phen­de, „hot oj le cilen­ge baro bari­ka­nipe vaj bari ladsch“ anla. Garude, oj ojs terni tschaj use jek dschi­dov­tschen­geri ken­va­keri bik­nasch­kija te genel taj te pisinel taj o them la poesi­jatar te prin­dscha­rel siklol. Kada oj pal o dujto the­mes­kero habrui le pisi­maschi Jerzy Ficowski resel, odo sora­li­sa­ri­nel la taj phenel lake, hot oj pre poesiji upre te pisi­nel. La­kere verk­tscha phukan pal lakere kiva­nip­tscha taj sune, pal o kami­pe usi natu­ra taj o kiva­nipe pal o khe­tano roasi­nipe. Berscha paloda lakere poesiji andi pol­nischi tschib prik be­schar­de on taj ando pradipe peren. I Papusza upre jef­kar jek prin­dschasch­kija ol. Ham adale prin­dscha­ri­pes­ke oj jek utscho ko­ja pot­schi­nel.

Pa­pusza upri tscha­tschi­kani dschivi­pes­keri histo­rija la erschti poetkijatar le pol­nischi Romen­dar basi­ri­nel. I Joanna taj o Krzysztof Krauze jek poe­tischi, ande schu­kar kale taj parne kipi liker­do film kerde, savo te min­dschart jek epischi his­to­rija­kero pano­rama sikal. O film sikal o pharo dschi­vipe le Romen­dar, save landen, o tradipe anglo taj pal o haburi dschi otscha uso tel bescha­ripes­kere koji, la pol­nischi komu­nis­tischi regi­runga­tar. Mint i bijografija la Pa­pusza­tar igen vuske khe­tan phandli la his­tori­jaha taj la kul­tu­raha le Ro­men­dar andi Polnija ando 20to schel­ber­schen­gero, hi.

(volksgruppen.orf.at)

Tweet