Radio Kaktus / WEBRADIO oe1campus
13.2., 20:00 & 14.2.2009 20:30 orenge

Tradicija taj o moderni khetan

Imar o 18 var sina Betschista o mulatintschago le Kulturakere Farajnistar le austritike Romendar. O Rudolf Sarközi, keraschi le mulatintschagostar taj o anglobeschto le Kulturakere Farjnistar le austritike Romendarr loschande pe sikatscha pedar o resipe le kulturendar upro mulatintschago. O Romane dschuvla igen latsche pumen angle kerde uso khelipe, taj afka le avre dschenen loschande, phentscha o Sarközi. Bajder o Sarközi angle asdija, hot te i politika pre ajipeha mindig jek cajchn tschil. Sar sako bersch te ada bersch tschule Roma uso mulatintschago sina. La romengera aktivistinkijake Usnija Buligovic ada koja na loschantscha. Ham oj o mulatintschago patjarel taj phenel hot jek cajchn la akceptancatar hi kaj te gadsche uso mulatintschago dschan.

Melange le kulturendar uso Farajn Transdanubien

I betschitiki „Melange“ ando merc le Farajn Transdanubienendar nevi servirim ol. Mint i „Wiener Melange“ hi o anav jeke diskusijonakere redostar save pe mindenfelitike kulturenca donde bescharel. Ando 18. merc terdschol i „Wiener Melange“, savi andi Flogoskeri Utschi Ischkola Floridsdorf kesdinel cilon ando cajchn le Romendar. I Marietta Wild hi o schero le farajnistar Transdanubien taj phentscha, hot o anav le diskusijonakere redostar godschikan arodim ulo. O Betschi mindig ande jek „Melange“ le kulturendar dschivlahi, phentscha i Wild.

18.3.2009, 18:30 Romengero kirati le farajnistar Transdanubien.
VHS Floridsdorf
Angererstraße 14, 1210 Betsch
Potschintschago 15,00 €

Emmerich Gärtner-Horvath, ORF Volksgruppenredaktion
(volksgruppen.orf.at, 13.2.2009)

Tweet