Roma sam
Radijo Burgenland: 15.12.2014 (on demand)

O Adrian Coriolan Gaspar jek rumeni­tike-austri­tiko pijanis­to taj kom­po­nisto hi. O Gaspar ande Pojejena (Rumenija) taj te ande Mös­singen ojs dscheno jeka bara familija­tar upre bar­tschino, savi uso Romen­gero tschu­lipe keri­nel. Ov jek nimtsch­ka tschib­tscha­keri isch­kola ande Caransebeș kher rodija, kaj ov te pro erschti klavira­kero siklipe usch­ti­dija. 1996 pra famili­jaha andi Austrija lo alo. Usar 1998 dschi 2006 o muschi­ka­kero gimna­sijum Betschiste kher rodija. 2003 uso cidi­pes­kero beverb le Betschi­tike Muschi­ka­kere Ischko­lendar ov pre fala­toha Romanes-ke ojs lek ter­ne­der adive­sa­kero kompo­nisto pati­jardo ulo.

2005 o Adrian Gaspar o „Adrian Gaspar Orchestra“, savo ando austri­tike me­diji ojs i „lek terne­der ajgeni Jazz Big Band le themes­tar“ akardo ulo, kertscha. Aja banda o publi­kumis­kero pati­ja­ripe uso Austrian World Music Award 2006 usch­tidija. La „Adrian Gaspar Gypsy Comboha“, jek avro pro­jekto, savi pe upre Gypsy- taj Balkan muschika schpe­cija­li­sirin­tscha, ov 2007 o pomo­scha­gos­kero pati­ja­ripe le Austrian World Music Awarden­dar, jerintscha. Ando glajchi bersch ov o „Adrian Gaspar Trio“ kertscha, saveha ov ande Washing­ton D.C., London, Paris, Madrid, Berlin taj te ande Tunis kon­certscha cid­lahi.

Ando projekto „Amari Roas – Unsere Reise“ portre­ti­rin­tscha o farajn KARIKA le bari­kane Romen­gere-muschi­kaschi, savo pe pre keri­peha la flogos­kera grup­nake andi scena be­scharel. Buteder pedar o Adrian Gaspar, schunen tumen hetvin andi sendung „Roma sam“ upro Radijo Bur­genland.

(volksgruppen.orf.at)

Tweet