Roma sam
Radijo Burgenland: 20.10.2014 (on demand)

Ando Černelavci-Kranjčeva drom ando foro Murska Sobota o Ro­men­gero-mu­seum le fa­raj­nis­tar Phuro Kher terdschol. O khera le Ro­men­ge­re-mu­seumis­tar ando lejcti ber­scha kerde ule, o min­den­fe­li­tike falati taj o avre archi­vis­kere mate­ri­jal­tscha pedar but berscha imar khe­tan kedim ule. O khetan kedipe o resul­tato le kami­pestar la phura cajtake taj le mate­rijeli taj ima­te­rijeli prik dipes­ke le Prekmurje Ro­men­dar hi. „O museum i his­to­rija le Romen­dar taj te poar falati mra fami­lija­kera his­to­rija­tar“ sikal, phenel o schero le Romen­gere-mu­seumis­tar Štefan Baranja. „O dsche­ne mre papus­tar slugi uso grofo Saparija sina. Ando pa­schipe le fo­rostar Murs­ka Sobota, le grofos­tar jek baro than uschti­dine, upre savo on pumen­ge min­den­feli­tike koji aun baunin­de taj kaj grasta taj avre marhi kher sina“, phenel o Baranja. „Le gras­ten­ca taj odo­len­gere ver­denca, te o ladipe le pajis­tar andar o Radens­ka­kere kveltscha ker­nahi“, afka o Štefan Baranja baj­der. Bu­te­der pedar o Romen­ge­ro-mu­sem Phuro Kher taj pedar i situa­cija le Romen­dar ando Horvac­ko, savi amen­ge o Romen­ge­ro-akti­visto Željko Balog pa­sche­der anael, schu­nen tu­men andi sen­dung „Roma sam“ upro Ra­dijo Bur­gen­land.

(volksgruppen.orf.at)

Tweet