Roma sam
Radijo Burgenland: 23.6.2014 | (on demand)

But berschengero and bescha­ri­pe le latschi­peske

Imar but berscha i Romni Ágnes Daróczi manuschengeri tscha­tschi­pes­keri aktivis­tikija le ungrike Romen­gere tschuli­peske hi. Ando bersch 2010 oj i tradi­pes­keri sor jeke pro­jek­tistar sina, savo o Centrali Rot le Nimtschke Sintijen­dar taj Romendar le Romengere fami­lijenge ando Ungriko organi­sirintscha. Khetan (o Centrali Rot le Nimtschke Sintijendar taj Romendar, o DFB taj o pomo­scha­goschtscha le Inter­nacijo­nali Baunini­pes­kere Orde­nistar) upre trin projek­tis­kere than, pantsch Romen­gere familija­kere pha­gerde khera papal upre bau­ninde, save op­fer­tscha le rasis­tischi murda­ri­pes­kere- taj aun dschiv­dscha­ripes­kere prik asta­ri­pen­dar ule.

Duach lakero but berschengero and bescharipe ojs reporterkija taj visen­schoft­ler­kija i Ágnes Daróczi o nacijo­nal­socija­lis­tischi flogos­kero murda­ripe gejng o Sinti taj Roma ando pradimo gondo antscha. Khetan pre murscheha János Bársony, i kenva „Pharrajimos“ pi­sintscha. Ande aja kenva ersch­tivar o bibas­tale tradip­tscha ando Ungriko doku­men­ti­rim on.

I buti la Ágnes Daróczijatar na tschak la regirung taj le pra­di­pe ando Ungri­ko le tel diki­peha taj la diskri­mi­na­cijaha gejng o Romen­gero tschulipe, savo odoj dschil, konfron­tiri­nel, oj te jek figura le avre vila­genge taj le nacijo­nali Sintijen­gere taj Romen­gere tschuli­penge andi Europa hi.

Buteder pedar schunen tumen andi sendung „Roma sam“ upro Radijo Bur­gen­land.

(volksgruppen.orf.at)

Tweet