Radijo Kaktus: Mulatintschago tradicijaha
Juni 20th, 2009 | Published in Radio, Podcast & TV
Radijo Kaktus / WEBRADIO oe1campus
19.6.2009, 20:00 & 20.6.2009, 20:30 orenge
Mexikoplatz – Mulatintschago tradicijaha: Sako bersch hi o Romengero mulatintschago le Romano Centrostar upro Mexikoplatz. Ada bersch i Ruža Nikolić-Lakatoš, Tibor Barkoczy taj o Zlata Petrovic pumara muschikaha le nipo vojaschne kerde. O erschtivar schaj te khelipeskere grupn sar andar o farajn „Romao Jilo“, pumaro dschanipe sikan. Andrea Härle, botakeri vodaschkija le Romano Centrostar, phentscha ando vakeripe la Gilda Horvathaha, hot o Romengero mulatintschago na buter andar o kalenderi le Romendar bejg te gondolinel hi.
Siklipeskero pomoschago le Romane ischkolaschenge: I betschitiki MA 17 la integracijonake taj diversitetakere aunpaschlaripenge kertscha ando bersch 2005 o siklipeskero projekto pali ischkoila le Romenge taj Sintijenge, savo akan evalujirt ulo. Pedar oda Radijo Kaktus imar o lejcti kurko tumenge phukatscha. Theodora Manolakos, butschaschkija andar MA 17, aunpeske dikel jek bajderi aspekto. I koperacija le dajenca taj dadenca o centrali barikanipeskero latschipe le Romengere ischkolaschenge hi. O pomoschago, dur bejg le normali sikajipestar, asdel pe vaschoda angle, kaj adaj „Role Models“ le fatschunge taj ternenge sikan, phenel i Manolakes. (volksgruppen.orf.at)
