Roma sam
Radijo Burgenland: 19.5.2014 (on demand)

Habeskeri kenva taj DVD – Presentacija:

O Farajn Roma-Service taj o ORF Burgenland vodschikan usi presentacija la habeskera ken­va­tar taj la DVD-atar „I kojnha le Romendar – Die Küche der Roma“ akaren tumen:

23ti maj 2014, 19.00 orenge – HEUTE, 19 Uhr, OHO, Oberwart
Pradimo Kher Erba (OHO), Lisztgaslina 12, 7400 Erba

I flogoskeri grupn ando tschoripe dschivlahi. Andar tschule koji le familija­kere dschenenge iste valaso upro stolo terdschar­do ovlahi. Afka sina, hot butvar andar o portscha taj andar o avre koji, save o gadsche na hanahi, le Romen­dar latsche koji thade ovnahi. Ham te avro islimo habe upri habeskeri kartscha le Romen­dar terdscho­lahi.

Sako di tato habe amen sina
„O mindenfelitiko le habestar nana baro, mint tscho­ripe sina“, phenel i adi 57 ber­schen­geri Romni, Christine Sztubics. „Ham so amen sako di sina, o tato habe sina, savo mri daj bara voja­ha kerlahi“, afka i Sztubics bajder.

Tradicijoneli Romengero habe
„Uso tradicijoneli Romengero habe genen i prindschardi ‚guschumani sumi‘, savi me adi meg pal o recepto mra dajatar mre fami­li­ja­kere dschenenge thavav taj te o ‚portscha‘, save adi­veseske ham na buter kerde on, kaj len phare uschtides“, phenel i Chris­tine Sztubics.

O kajnhano mas mulatintschagoskero habe sina
„O kajnhano mas amaro mulatintschagoskero habe sina“, phenel i adi 67 ber­schen­geri Romni, Margarethe Baranyai, te oj upre pri tscha­ven­geri cajt palgon­do­lintscha. „Avro mas ande oja cajt na prindscha­rahahi“, afka i Baran­yai bajder.

Riteschkijengere varijacijontscha upri habeskeri kartscha terdschonahi
„Le kojenca, savi mri daj le gadschendar uschtidlahi, islimo habe amenge thavlahi“, phenel i Mar­gare­the Baranyai. „Butvar minden­fe­litike ritesch­kijen­gere varija­cijon­tscha delahi, afka sar i phaben­geri- taj kiralen­geri riteschkija vaj te i schajakeri- taj ban­goren­geri ritesch­kija“, phenel i Baranyai meg use. „Adi feder amenge dschal, ham me meg mindig igen merescht minden­fe­litike riteschkiji kerav, afka sar le mange mri daj siklini“, phenel i habes­keri, Mar­garethe Baranyai. Buteder pedar o habe le Romen­dar, schunen tumen hetvin andi sen­dung „Roma sam“ upro Radijo Bur­genland.

Tweet