Muschikaschi taj pisimaschi Mongo Stojka mulo

Johann Mongo Stojka idsch andi rat pal dugo nas­va­lipe ando 84 bersch mulo, sar les­keri fa­milja adi phentscha. O dschi­la­schi, gita­risto taj pisi­ma­schi Stojka ando 20. maj 1929 ande Guntramsdorf upro them alo. Ov o lo­ge­ri Auschwitz-Bir­ke­nau, Buchenwald sar Dachau prik dschiv­tscha. Les­ke­ra fami­lja­tar andar o valami 200 dschene tschak schov o murda­ripe prik dschivde.

Tschak tschule prik dschivde — Le Mongo Stojka­sis­kera bara fami­ljiatar tschak ov, schtar phenja, phrala taj leskeri daj o logeri ter dschivde. „Tschak schov dschene mra fami­lja­tar kher ale“, phenel o Stojka butvar. Les­kero terno phral Osi ando Auschwitz mulo, les­kero dad ande Dachau mur­dar­do ulo. Kaj o avre 200 schel leskera fami­ljia­tar taj leskeri baba murdarde ule dschi adi ov meg na dscha­nel. But berscha ov nischta pedar ada so lenca kerdo ulo valaso phu­kav­lahi, pedar o manu­schen­gero hasinipe taj ada horror. Ande leskeri erschti kenva „Papierene Kinder“ kes­dintscha ov pedar pri familija te pisinel.

Barankapark, phendo sar upre leskeri baba Baranka — Duach o keripe le Mongo Stojka­sis­keri palgon­do­lipes­keri buti butschol i Hellerwiese, dschi uso tel utscharipe „Belgrader Platz“ phenahi, akan oficijeli „Baranka­park-Hel­ler­wiese“. I Baran­ka, i kamli baba, saves­kero anav o Mongo Stojka use sako koja but kis­ta­vi­peha angle asdel, ando astaripe la NS-atar peli, sar o avre dschene la fami­lja­tar Stoj­ka up­ri Hellerwiese.

(volksgruppen.orf.at)

Tweet