Roma sam
Radijo Burgenland: 18.6.2012 (on demand)

O Roma-Butschu andi Boslina te ada bersch jek barikano mulatintschago sina, phenel o organisatori taj schero le Farajnistar Roma-Service, Emmerich Gärtner-Horvath. Muschikane falati le horvacke murschengere dschilajipeskere farajnistar Güttenbach taj la ungrika flogoskera khelipeskera grupnatar Siget o ada berschengero kulturakero mulatintschago prade. Jagali muschika le Romendar andar i Slovenija ali. I Roma-banda „Langa“ o utschipeskero gendo adale kiratistar sina. I banda „The Memorys“ taj o ungriko Rom taj Elvis imitatori „CHUBBY“ Pál Csaba pumare dschijenca uso tradicijoneli Romengero mulatintschago use sina. O Roma-Butschu na sikal tschak i feschtimi Romengeri kultura, ov te i mindenfelitiki flogoskeri grupnakeri kultura le Burgenlandistar le avre dschenenge pasche anel, phenel o Gärtner-Horvath. Ada mulatintschago vaschoda hi, kaj jek le avre te prindscharel te siklol taj i diskriminacija tel baunim te ol, phenel o organisatori meg use. Buteder pedar o Roma-Butschu 2012 taj pedar i buti le referatistar le etnischi grupnenge schunen tumen andi sendung Roma sam upro Radijo Burgenland.

(volksgruppen.orf.at)

Tweet