Weiz: „Porajmos“ gondolipeskero than

Mai 14th, 2012  |  Published in Geschichte & Gedenken

Steiermark: Einweihung des Mahnmals mit Ruldolf Sarközi in Weiz (Weizberg)Ando foro Weiz ando 6. maj 2012 upro Weizberg jek gondolipeskero than le Romenge taj Sintijenge tel utschardo ulo, save ando nacijonalsocijalismus murdarde ule. O keripe le Walter Kratneristar hi, savo phagerdi srastunakeri doronga sikal, ojs kipo la deportacijatar taj le genocidistar. I palgondolipeskeri tematika la tablinaha, kaj o alav „Porajmos“ upre terdschol, kisetim ol. Andi vakeripeskeri tschib le Sintijendar taj Romendar butschol ado alav „das Verschlingen“ savo o nacijonalsocijalistischi flogoskero murdaripe le tradime europitike Romendar sikal. O keripe adale gondolipeskere thanestar upro aun definipe la Romengera kinstlerkijatar Ceija Stojka kerdo ulo. 1933 ande jek gaveskero mojakero ando gav Kraubath (Schtacko) upro them ali, ando bersch 1943 ando logertscha Auschwitz, Ravensbrück taj Bergen-Belsen ledschim li uli. I Ceija Stojka adala logertscha prik dschivtscha. Pra kenvaha „Wir leben im Verborgenen“ ando bersch 1988 baro falato use ledschija, hot o genocid, savo le Romenge taj Sintijenge aun kerdo ulo, ando pradipe ledschim ulo. O Walter Kratner jek esbe lipeskero cajchn beschartscha. Schaj ol, hot asaj gondolipeskero than te jek koja hi, savo but dschenen uso palal gondolipe anla.

(volksgruppen.orf.at)

Comments are closed.