♫ !DelaDap uso dschilajipeskero kontesto?

Januar 17th, 2012  |  Published in Musik, Radio & TV

Radijo KaktusRadijo Kaktus / WEBRADIO oe1campus
16.1.2012 (on demand / mp3)

„O elektrischi lil le akaripeha andar o Radijo Ö3 uso dschilijapeskero kontestoskero arodipe ando 24. feberi 2012 na uschardo alo. Amen gondolintscham, hot jek Spam vaj jek dilinipe hi“, phenel o anglutno mursch andar !DelaDap Stani Vana. Schunaschtscha la sendungatar Radijo Kaktus imar dur o muschikakero projekto !DelaDap la dschilaschkijaha Melinda Stoika taj o keverinipe andar Jazz, House, Soul-Funk taj „Gipsy-Rhythmen“ prindscharen. !DelaDap, prik beschardo „De mange o beat“, o keraschi Stani Vana taj i dschilaschkija Melinda Stoika vakerde pedar pumare schajiptscha uso dschilajipeskero kontesto use te ol, taj pedar o nevo album „I know what you want“, savo ando 20. jeneri andi „Szene Wien“ presentirim ol. Upre ada album te i potencijeli dschili le dschilajipeskere kontestostar le anaviha „Crazy Swing“ hi. „Amen molinas tumen, ando 24. feberi sorale amenge te völinel“, phenel i dschilaschkija Melinda Stoika, „mint !DelaDap jek barikano sound kerel.“

!DealDap dschi akan trin albumtscha taj poar maksi singles ari dine. Kekaj i banda andi Austrija o aunprindscharipe meg na uschtidija, loschanel pe !DelaDap, kaj len upro balkan baro prindscharipeskero taj kamipeskero than hi. Muguli o „Punk-Rockstar“ Gogol Bordello, jek fan la multikultureli bandatar hi.

(volksgruppen.orf.at)

Comments are closed.