Radijo Kaktus / WEBRADIO oe1campus
14.11.2011 (on demand / mp3)

Unesco: Lovarajengere dschija

Ando 10. novemberi 2011 ando betschitiko tradicijonakero kafejiskero kher Weimar o Lovarajengere dschija ojs imaterijeli kultura la UNESCOjatar aun prindscharde taj arakim ule. O schero la UNESCOjakera nacijonali agenturatar Maria Walcher ando vakeripe la Ruzsa Nikolić-Lakatosaha pro loschanipe pedar o patijaripe sikatscha taj afka sar i presidentkija la austritika UNESCO komisijonatar Eva Nowotny ojs „Ruzsa fan“ pe te prindscharel dija.

I Ruzsa Nikolić-Lakatos khetan pra tschajakera tschajaha Shirin Lakatos taj la reporterkijaha Gilda Horvath oficijeli o lil prik lija. Oj odolenge palikertscha, save pomoschinde, kaj ada kerdo schaj ulo: le Mozes Heinschinkiske, la Ursula Hemetekake , le Romano Centroske taj le Farajniske Lovara Austrija.

„Romengero di“ ande Kärnten

„O kipo le Romendar ando lejcti 500 bersch na irintscha pe“, phentscha i pisimaschkija taj aktivistkija Simone Schönett ando 3.11.2011 ande Klagenfurt/Celovec taj Bleiburg/Pliberk uso Romengero Di (Roma-Tag) ando vakeripe la sendungake Radijo Kaktus.

Usi diskusijona vaschi situacija le Romendar andi Europa ando „Kulturni Dom“ ande Bleiburg mindenfelitike aun dikiptscha dija. O Emmerich Gärtner-Horvath andar o Farajn Roma-Service vasch soraleder solidariteta maschkar o cile flogoskere grupn upre vrischtschantscha: „Amen iste akan jek khetanipe upre pre terdscharas.“ Upro „Tag der Roma/Dan Romov/ Romengero Di“ ando uprutne klastscha le BG/BRGistar le Slovenenge anglevakeriptscha le profesoristar Rudolf Sarközi (Kulturakero Farajn le Austritike Romendar, Betschi), le Emmerich Gärtner-Horvathistar taj le Josef Schmidtistar (Farajn Roma-Service, Burgenland), la ORF reporterikjatar Gilda Horvath taj le Jožek Horvat-Mucistar (Khetanipe le Romendar andi Slovenija) dija, angloda o Romengere fatretertscha ande Bleiburg/Pliberk ladine.

(volksgruppen.orf.at)

Tweet