Radio Kaktus / WEBRADIO oe1campus
6.2.2009 20:00 & 7.2.2009 20:30 orenge

United Nations Holocaust Memorial Day: O internacijonali Romane organisaciji hojame hi. O Rudko Kawczynski, anglebeschto la European Roma and Travellers Forum (ERTF) atar angle asdija, hot o Roma uso gondolipeskere mulatintschagi tschule representirim ule taj o ERTF menik akardo ulo. Bari ladsch hi oda, hot le restengere manuschenge le gondolipeskere divesistar taj lengere fatreterenge nisaj oficijeli than uso mulatintschagi ando nimtschko bundakeri di use terdschija.

Kawczynski kririsirinel i rehabilitacijon le holocaust hohaschistar Williamsons

O Kawczynski igen phare gondenca hi pedar o keripe le papstistar Karl Ratzinger. O Ratzinger rehabilitirinel le nimtschke bare raschaj Williamsons savo ojs holocaust hohaschi prindschardo hi taj akan andi internacijonali kritika perel. Schaj hot hi jek khangerakeri koja le fadipestar, ham jek na latscho cajchn hi ando pradipe, savo na latscho schaj hajodo ol, phenel o Kawczynski.

Mulatintschagoskero tip

Ando 10. feberi 2009 genel i Ceija Stojka ando austritiko kulturakero forum ando Prag andar pri kenva „Wir leben im Verborgenen“. Kesdipe le mulatintschagostar hi 17.00 orenge.

Emmerich Gärtner-Horvath, ORF Volksgruppenredaktion
(volksgruppen.orf.at, 6.2.2009)

Tweet