Videjo: Harengere maren le Romen
April 9th, 2009 | Published in Rassismus & Menschenrechte
O tschave iste pumen angli harengere stacijona ande Košice batschninahi taj nange tel pumen iste tschite. Lenge phendo ulo, hot on jeka phura dschuvla ar tschorde. Schov tschave le Romendar le harengerendar ando ostslovakischi foro Košice teldikle, taj marde ule. Ada sikal jek handy videjo upri internetakeri rik le papruschengere nevipestar „Sme“.
Palaldikipe kerdo ulo
O harengeroskero presidento Jan Packa pal trin ori palo prajipe le videjosistar ando pradipe phentscha use jek presejakeri konferenca ande Bratislava/Preßburg, o schov harengere, save use sina ari tschidim on taj lengere anglutne schere tel tschite. O videjo sikal, hot o manuschengere tschatschiptscha phare tel dschumim ule. O andrutno ministeri Robert Kaliňák vaschoda gejng o harengere jek palaldikipe kertscha, phenel o harengero schero Jan Packa use jek reporterengero talalinipe.
O angle pheripe anglo jek anglutno than Košicejatar,ando atschipekero than Lunik sina, ande savo 564 khera buteder sar 7.000 manuscha dschin, tel lende but Roma. Tschak 70 lendar buti hi.
Ando bersch 2001 andi ostslovakischi foro Revúca use jek harengero phutschajipe o Rom Karol Sendrel mulo. Duj harengere vaschoda ando bersch 2008 efta dschi ofto berscha astaripe uschtidine.
(volksgruppen.orf.at / dROMa)
