72 ori „Roma Palast“ andi City
Oktober 16th, 2010 | Published in Film & Theater, Musik, Radio, Podcast & TV, Veranstaltungen & Ausstellungen
Radijo Kaktus / WEBRADIO oe1campus
15.10.2010, 20:00 & 16.10., 20:30 orenge (on demand/mp3)
Andar o 28. dschi 30. oktobri 2010 pral o „Garage X“-teateri – butenge meg prindschardo ojs aguno „Ensemble Theater“ – ando Betschitiko 1. becirk pro berscheskero programo jeke trin divesengere pharipeskere puntoha usi tema Roma. O Harald Posch taj o Ali M. Abdullah o schere andar o „Garage X“ teateri hi taj ando vakeripe la Gilda Horvathaha le Radijo Kaktusiske phukan on soske on ada keren. „Kada amen schuntscham sar andi Francija taj ande avre vilagi o Roma tel ispidim on, kamahahi valaso te kerel, taj jek polititischi cajchn te bescharel.“ Barikane le dujenge sina, hot use ada mulatintschago na tschak „pedar o Roma“ valaso kerdo te ol, ham but dschene le Romendar use te on. I Sandra Selimović, Gipsy Stylez, i Melinda Stoika, o Diknu Schneeberger taj o Zoran Bogdanovic anava andar i Romengeri „community“ hi, save uso programo use hi. O teateriskero programo upre te tschangal, voja te kerel taj pal gondolipe. Adaleske sorginen kinstlertscha sar o Gerhard Fresacher, o Sebastian Fust, Red Park, Monochrom taj o Gold Extra; videjoakere instalacijontscha, filmtscha taj jek podijumakeri diskusijona ar pumen te bescharen la temaha „Roma andi medija taj i rejaliteta“.
Muschikaha taj le arodipeha usi „Miss Roma 2010“ ando 30.10 i temakeri pharipeskero punkto la „Garage X“ teateristar „72 ori Roma Palast“ ar hi. O cile terne Romnija maschkar 16 taj 24 berscha akarde on, use te ol. („Miss Roma arodipe 2010“: missroma@garage-x.at)
