Radijo Kaktus / WEBRADIO oe1campus
18.6.2010, 20:00 & 19.6., 20:30 & 21.6., 11:30 orenge (on demand/mp3)

Nevi bavlal anel o Diknu Schneeberger pre neve albumiha „The Spirit of Django“ ando „Gipsy-Jazzjakero“ vilago. „Mange akan feder gelo, sar uso erschti album“, phenel o Diknu Schneeberger ando vakeripe le Radijo Kaktusiha. Imar ando leskero album „Rubina“ o 17berschengero betschitiko Sinto 2007 upre peste dikipe kertscha. Ov le Hans Koller dipeha o lek bareder patjaripe uschtidija so la muschikake andi Austrija del. Cidiptscha pre trijoha ando radijo taj telvisija paloda ale – taj arkinde sina. Cidiptscha, andi Francija, Germanija, Bari Britanija taj Luksenburg o sakodiveskero di le betschitike ensemblesistar sina. „Diknu Schneeberger Trio“, upre savo o Diknu Schneeberger i „erschti hegeduja“, na pardon, i erschti gitara cidija taj leskero dad Joschi Schneeberger loke pal leste upri bas gitara ando palutno pe likertscha. I „rithm gitara“ o aguno mentor taj meschteri le Diknujistar Martin Spitzer cidija.

O Diknu Schneeberger barikano talento hi. Igen terno ham barikano muschikaschi kekaj ov erscht 2004 uso Striglo Stöger la ritmus gitaraha te siklol kesdintscha. 2005 lija o Diknu siklipe uso betschitiko jazz gitaristo Martin Spitzer. Ov akan jazz gitara upro konservatorijum Betschiste schtudirinel. Pra neva CDaha patjarel o terno Schneeberger jeke le lek baredendar ando jazz: i gitarakeri legenda Django Reinhardt – 100 berscha lo ulo, kada upro them alo.

Mulatintschagoskero tip:

Konferenca ROMANI BUTJI
Barikanipeskere historiji taj perspektivtscha le Romendar & Sintijendar upro europitiko butjakero foro
28. dschi 29. juni 2010
Ministerijum la butjake, socijali taj konsumentakero arakipe
Thara: Aunmeldinipe pekamlo ol!

(volksgruppen.orf.at)

Tweet